ՌԴ և Իսրայելի կիբերանվտանգության մասնագետները հայտարարել են, որ հայտնաբերել են նոր «Մահդի» վիրուսը, որը, հավանաբար, Մերձավոր Արևելքում լրտեսության համար է նախատեսված: Հայտնաբերվել է վարակման 800 դեպք, հիմնականում Իրանի տարածքում, գրում է «ԻՏԱՐ-ՏԱՍՍ»-ը:
Ինչպես նշում են ռուսական «Կասպերսկու լաբորատորիայի» մասնագետները և իսրայելյան «Սեկյուլերտ»-ի փորձագետները, վիրուսի նպատակն է կանգնեցնել արդյունաբերական ձեռնարկությունների, դեսպանատների, համալսարանների համակարգերը:
«Տրոյացին» կարող է տեղեկատվությունը հավաքել և տրամադրել հաքերներին վարակված համակարգիչներից, բացի այդ այն կարող է նաև «ականջ դնել» օգտատերերին:
Վիրուսը տարածվում է էլեկտրոնային փոստով, որպես նամակի հավելված: