Ընտրություններն Արցախում վկայում են, որ ԼՂՀ ժողովուրդն, 1991թ. իրացնելով իր ինքնորոշման իրավունքը, պատրաստ է միանալ անկախ պետութւունների ընկերակցությանը: Այդ մասին հայտարարել է Կանադայի Հայ Դատի հանձնախմբի նախագահա Հրայր Բասմաջյանը՝ մեկնաբանելով ներկա և նախորդ ընտրություններն Արցախում, որոնք արտացոլում են Ղարաբաղի ժողովրդի ժողովրդավարական կամքը՝ ընտրել սեփական ղեկավարներին և ազատ լինել Ադրբեջանի հակահայ ռեժիմից:
Ինչպես ասվում է Կանադայի Հայ Դատի հանձնախմբի հաղորդագրության մեջ, չնայած Ադրբեջանի իշխանությունների ճնշմանը, Կանադայի խորհրդարանի անդամ Ջիմ Կարիգիաննիսը մասնակցում է ԼՂՀ ընտրություններին որպես դիտորդ:
Ընդհանուր առմամբ ԼՂՀ տարածքում բացվել է 274 ընտրատեղամաս, 1-ը Երևանում ԼՂՀ ներկայացուցչությունում:
Արցախի նախագահի պաշտոնի համար առաջադրվել են գործող նախագահ Բակո Սահակյանը, Արցախի ԱԺ պատգամավոր, ՊՆ նախկին փոխնախարար Վիտալի Բալասանյանը և Հայաստանի ագրարային համալսարանի Ստեփանակերտի բաժանմունքի պրոռեկտոր Արկադի Սողոմոնյանը:
