Բրազիլիայի իշխանությունները աջակցություն կցուցաբերեն հայրենական ընկերություններին` 2016թ Օլիմպիական խաղերին նախապատրաստվելիս, որոնք տեղի կունենան Ռիո դե Ժանեյրոյում, հայտարարել է երկրի սպորտի նախարար Ալդո Ռեբելոն:
Նախարարի խոսքով, կառավարության գաղափարը նրանում է, որ Խաղերի նախապատրաստական աշխատանքներին մասնկցի ողջ երկիրը:
«Մենք ունենք Օլիմպիադայի ազգայնականացման ծրագիր: Սա ասելով` նկատի ունեմ հայրենական արտադրողի սարքավորումները գնելը, մեր մասնագետների` Օլիմպիական օբեյկտների կառուցման աշխատանքներին մասնակցելը»,-Ռեբելոյի խոսքը հաղորդում է rsport.ru-ն:
Նա նաև ընդգծել է, որ Աշխարհի առաջնության և Օլիմպիադայի առնչությամբ Բրազիլիայում բազմաթիվ աշխատատեղեր են ստեղծել: