ԵԱՀԿ Երեւանի գրասենյակը դեսպան Վլադիմիր Պրյախինի ղեկավարությամբ նվիրվածություն է ցուցաբերում Հայաստանում ժողովրդավարական սկզբունքների առաջխաղացմանը: Այդ մասին, ելույթ ունենալով Վիեննայում ԵԱՀԿ մշտական խորհրդի նիստում, հայտարարել է ամերիկացի դիվանագետ Փոլ Ջոնսը: ԱՄՆ Պետդեպարտամենտի հաղորդման համաձայն, Փ.Ջոնսը նշել է, որ Վլադիմիր Պրյախինի ղեկավարությամբ ԵԱՀԿ առաքելությունը աջակցել է Հայաստանի կառավարության, քաղաքական կուսակցությունների եւ քաղաքացիական հասարակության տարբեր շերտերի միջեւ համագործակցության մակարդակի բարձրացմանը: Նա հատկապես մատնանշել է ԵԱՀԿ երեւանյան գրասենյակի ղեկավարի մասնակցությունը Հայաստանի Ընտրական օրենսգրքի բարեփոխմանը, հակակոռուպցիոն ռազմավարության եւ հակաահաբեկչական օրենսդրության մշակմանը: