Աշխարհում խոշորագույն Facebook սոցիալական ցանցի բաժնետոմսերը նախօրեին ընկերության պատմության մեջ առաջին անգամ Nasdaq-ում անկում են ապրել 20 դոլարի սահմանագծից, վկայում են բորսայի տվյալները:

Facebook-ի բաժնետոմսերն օգոստոսի 2-ին հասել են մեկ արժեթղթի համար 19,82 դոլար մակարդակի, որը գրեթե 48 տոկոսով ցածր է բորսայում սկզբնական հանրային տեղակայման գնից, որն ընկերությունն անցկացրել է ընթացիկ տարվա մայիսին:

BusinessWeek պարբերականի տվյալներով, սոցցանցի բաժնետոմսերի անկումը կապված է Facebook-ի բիզնեսի զարգացման հեռանկարներում ներդրողների անվստահության հետ: Ներդրողների վստահությունը նվաճելու համար Facebook-ը պետք է մոտ ժամանակները ցուցադրի եկամտի տարբեր աղբյուրների օգտագործման հնարավորությունները, հաղորդում է ՌԻԱ Նովոստին: