Սիրիայի, մասնավորապես Հալեպի հայ համայնքը չի վերանա, քանի որ չի լինի հայաթափում, կարծում է Սփյուռքի պատմության մասնագետ և Սփյուռքի գծով փորձագետ Պետրոս Հովհաննիսյանը:
Նա գտնում է, որ դա է վկայում այն փաստը, որ սիրիահայերի մեծ ներհոսք չկա Հայաստան, փոխարենը նրանք գնում են Լիբանան, քանի որ այնտեղից տուն վերադառնալը հեշտ է: Բացի դրանից, Հովհաննիսյանի կարծիքով Սիրիայի մեր հայրենակիցները ցանկանում են մնալ Սիրիայում, այնտեղ կան բոլոր պայմանները գոյատևելու համար:
Պատմաբանը գտնում է, որ սիրիահայերն ունեն կառավարական դիրքորոշում և նրանց բռնի չեն արտաքսի այնտեղից: Ինչ վերաբերվում է նրանց Հայաստան գալուն, ապա Հովհաննիսյանը գտնում է, որ այստեղ նրանց համար համապատասխան պայմաններ չկան, չկա համապատասխան վարձատրություն, քանի որ նրանք շատ բարձր վարձատրվող արհեստավորներ են:
