Անգոլայում ավտոբուսով ՃՏՊ-ի արդյունքում մահացել են 23 հոգի և վնասվածքներ ստացել 29-ը, հաղորդում է ՌԻԱ Նովոստին:

Վթարը տեղի է ունեցել շաբաթ օրը երեկոյան Հարավային Քվանզա նահանգում` երկրի մայրաքաղաքից 600 կմ հեռավորության վրա:

Ավտոբուսում գտնվել է 70 հոգի, նրանք եղել են «Լուանդա» ֆուտբոլային ակումբի երկրպագուներ և վերադարձել են ֆուտբոլային հանդիպումից:

Ենթադրվում է, որ վթարի պատճառ է եղել ավտոբուսի վարորդի կողմից արագությունը գերազանցելը: