Օձունի եկեղեցին կվերականգնվի 3-3.5 տարիների ընթացքում 8 օգոստոսի 2012 - 13:17 AMT PanARMENIAN.Net - Լոռու մարզի Օձուն գյուղի VI դարի Սուրբ Մարիամ Աստվածածին եկեղեցու վերականգնողական աշխատանքները կավարտվեն 3-3.5 տարիների ընթացքում: Այդ մասին մամլո ասուլիսի ժամանակ ասաց «Հովհաննես Իմաստասեր Կաթողիկոս Օձնեցի» բարեգործական հիմնադրամի գործադիր տնօրեն Վանուշ Շերմազանյանը: Նախագիծն իրականացվում է մասնավոր միջոցներով` համաձայն հուշագրի, որ ստորագրվել է Հայ Առաքելական եկեղեցու, ՀՀ մշակույթի նախարարության և «Հովհաննես Իմաստասեր Կաթողիկոս Օձնեցի» բարեգործական հիմնադրամի միջև: Շերմազանյանի խոսքով ավելի կարճ ժամկետներում կավարտվի եկեղեցուց ոչ հեռու գտնվող կոթող-մահարձանը: Հուշարձանը վերականգնվելու է նույն քարով: Եռանավ առաջին բազիլիկներից մեկը` Սուրբ Մարիամ Աստվածածինը, վերջին անգամ վերանորոգվել է Խորհրդային տարիներին: Նախատեսված էր նաև վերականգնման աշխատանքներ կատարել 1980-ական թթ-ի վերջին. քանդվել էր կամարաշարը, սակայն ԽՍՀՄ փլուզումից հետո այն այդպես էլ չ ի վերականգնվել: Այժմ այն վերականգնվելու է արմատներով օձնեցի, ռուսաստանաբնակ գործարար Մովսես Ձավարյանի միջոցներով: Հուշարձանի վերականգնման աշխատանքերի համար կծախսվի 320 մլն դրամ, որի մեջ չի մտնում կամարաշարի վերականգնումը: Ներկայումս Օձունում ընթանում են նախապատրաստական աշխատանքներ. բարձրացվում են տախտակամածները, բերվում են շինանյութերը, հետազոտվում է հինավուրց վանքի հիմքը, ընթանում է քարատեսակների ընտրությունը, որոնցով կփոխարինվեն վնասված և հողմնահարված քարերը: Որմերի վերականգնման ժամանակ կօգտագործվի ֆելզիտային տուֆը, իսկ վեղարի և լանջերի ծածկասալերի համար`կարմրավուն անդեզիտաբազալտը: Առավել պատասխանատու աշխատանքները կկատարեն «ԼևԳուկ» մասնագիտացված ընկերությանս փորձառու վերականգնողները, իսկ որպես քարտաշներ և բանվորական ուժ` կներգրավվեն Օձունի և տարածաշրջանի գյուղերի բնակիչները: Խորհրդատվության համար կապալառու ընկերությունը կհրավիրի իտալացի ճարտարապետների և ճարտարագետների: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |