«Ժողովուրդ» թերթի լավատեղյակ աղբյուրները հաղորդում են, որ ՀՀ երկրորդ նախագահ Ռոբերտ Քոչարյանն այս օրերին Կիպրոսում մի կղզի է գնել և այժմ զբաղված է առանձնատան ջրային համակարգի մոնտաժման աշխատանքներով։ Բայց դա չի խանգարում, նշում է թերթը, որպեսզի Քոչարյանի ընտանիքի անդամներն իրենց ամառային հանգիստն անցկացնեն Հունաստանում։ «Ավելին, նախկին նախագահի հարսը` երգչուհի Սիրուշոն, վերջերս Կիպրոսում մասնակցում էր համերգների»,- գրում է թերթը:

«Ժողովուրդը» փորձեց կղզի գնելու վերաբերյալ տեղեկությունը ճշտել Ռոբերտ Քոչարյանի գրասենյակի պատասխանատու Վիկտոր Սողոմոնյանից, սակայն «վերջինս, ինչպես միշտ, մեր հեռախոսազանգերին ու հաղորդագրություններին չպատասխանեց»: