«Փրկենք Թեղուտը» շարժման անդամներն այսօր youtube-ում տեղադրել են Սերժ Թանկյանի ուղերձը, որտեղ նա խոսում է էկոլոգիական և բնապահպանական խնդիրների, մասնավորապես Թեղուտի խնդրի մասին և կոչ է անում միանալ բնապահպան ակտիվիստների շարժմանը: Տեսաժապավենը բաժանված է 3 մասի: 1-ին մասում Թանկյանը խոսում է Թեղուտի` կործանման եզրին կանգնելու պատճառների մասին: Այնուհետև այն հետևանքների, որոնք կարող են առաջ գալ անտառի վերացումից հետո: Ամենավերջում Թանկայնն առաջարկում է հնարավոր այլընտրանքներ: