Ադրբեջանական բանակը «դժբախտ պատահարի» արդյունքում կորցրել է ևս մեկ զինվոր: Ինչպես հաղորդում է ԱՊԱ գործակալությունը, միջադեպը տեղի է ունեցել Շամքիրի ռազմական միավորման զինվորական մասում, որը տեղակայված է Ղազախի շրջանում: Զինվոր Բահրուզ Սեյդուլլահ օղլու Ռահիմովը զոհվել է իր զինակցի ձեռքում գտնվող զենքից իրականացված կրակոցի արդյունքում:
Ըստ հաղորդագրության, միջադեպը տեղի է ունեցել զենքի մաքրման պահին: Անզգուշության պատճառով իրակացրած կրակոցի արդյունքում, փամփուշտը դիպել է Ռահիմովին և նա մահացել է: Նախարարության մամլո ծառայությունում հաստատել են պատահարի փաստը: