Սիրիան մեղադրել է ԱՄՆ-ին, Իսրայելին, Սաուդյան Արաբիային և Քաթարին Թուրքիայում ընդդիմադիրների ռազմական նախապատրաստությունների մեջ: Ինչպես հաղորդում է Al-Arabiya հեռուստաալիքը, նման տվյալներ են պարունակվում ՄԱԿ-ում Սիրիայի դեսպան Բաշար Ջաֆարիի` Անվտանգության խորհրդին ուղղված նամակում:
«Թուրքիան իր տարածքում ստեղծել է ռազմական ճամբարների ցանց, որոնք ղեկավորում են Իսրայելի, Քաթարի, ԱՄՆ-ի և Սաուդյան Արաբիայի հետախուզական ծառայությունները»,-ասվում է ՄԱԿ-ում Սիրիայի դեսպան Բաշար Ջաֆարիի` Անվտանգության խորհրդին ուղղված նամակում:
Այս առնչությամբ Ջաֆարին կոչ է արել ՄԱԿ-ի ԱԽ-ին ճնշում գործադրել նրանց վրա` ընդդիմադիրներին տրամադրվելիք աջակցությունը դադարեցնելու համար: