Նալբանդյան-Կար հանդիպման արդյունքում Հայաստանը և Ավստրալիան ստորագրեցին առաջին պաշտոնական երկկողմ փաստաթութը

PanARMENIAN.Net - Օգոստոսի 12-13-ը տեղի ունեցավ արտգործնախարար Էդվարդ Նալբանդյանի պաշտոնական այցելությունը Ավստրալիա:

Օգոստոսի 13-ին Կանբերայում կայացան Էդվարդ Նալբանդյանի և Ավստրալիայի ԱԳ նախարար Բոբ Կարի բանակցությունները:

Ողջունելով հայաստանյան իր պաշտոնակցին՝ Ավստրալիայի ԱԳ նախարարն ասաց, որ այս այցելությունը լավ հնարավորություն է ընձեռում նոր բովանդակություն հաղորդելու երկկողմ հարաբերություններին և ինքը տրամադրված է գործուն քայլեր ձեռնարկելու այդ ուղղությամբ: «Առանձնահատուկ ջերմություն կա մեր երկրների միջև, որը ձևավորվել է Ավստրալիայումհաստատված և մեր երկրի զարգացմանը իրենց նշանակալի ներդրումը բերած հայերի շնորհիվ: Մենք ակնկալում ենք ակտիվորեն խորացնել ապագային միտված մեր հարաբերությունները»,- շեշտեցԱվստրալիայի ԱԳ նախարարը:

Շնորհակալություն հայտնելով Ավստրալիա հրավերի ու ջերմ ընդունելության համար և ընդգծելով, որ վերջին տարիներին կայացել է Հայաստանի և Ավստրալիայի արտգործնախարարներիշուրջ տասը հանդիպում՝ Էդվարդ Նալբանդյանը նշեց, որ երկու երկրների միջև քաղաքական երկխոսությունը գտնվում է բարձր մակարդակի վրա և իր այցելության հիմնական նպատակը տարբերբնագավառներում համագործակցության ընդլայնման վերաբերյալ գործնական պայմանավորվածությունների ձեռքբերումն է:

Երկկողմ հարաբերությունների զարգացման ենթատեքստում զրուցակիցները կարևորեցին իրավապայմանագրային դաշտի ձևավորումը, ԱԳՆ-ների միջև խորհրդատվություններիանցկացումը, միջազգային կազմակերպություններում համագործակցության սերտացումը, տնտեսական հարաբերությունների զարգացումը, մշակութային փոխանակումների ակտիվացումը:

Միջազգային օրակարգի խնդիրների քննարկումների ընթացքում Հայաստանի և Ավստրալիայի արտգործնախարարները արձանագրեցին, որ շատ հարցերի վերաբերյալ երկու երկրներիտեսակետները համընկնում են կամ շատ մոտ են իրար:

Նախարարներ Նալբանդյանն ու Կարը մտքեր փոխանակեցին ճգնաժամային կետերում խաղաղապահ գործողություններին Ավստրալիայի և Հայաստանի մասնակցության վերաբերյալ:Նախարար Կարը ներկայացրեց ասիա-խաղաղօվկիանոսիան տարածաշրջանում զարգացումները և Ավստրալիայի դերակատարությունը այդ գործընթացներում:

Ավստրալիայի ԱԳ նախարարի խնդրանքով Էդվարդ Նալբանդյանը ներկայացրեց արցախյան հիմնախնդրի խաղաղ կարգավորմանն ուղղված բանակցային գործընթացը:

Նախարար Նալբանդյանը երախտագիտություն հայտնեց Բոբ Կարին ավստրալական Նոր Հարավային Ուելս նահանգի վարչապետ եղած ժամանակ Հայոց Ցեղասպանության ճանաչմանուղղությամբ կատարված աշխատանքների համար:

Հանդիպումից հետո նախարարները ստորագրեցին հայ-ավստրալական առաջին երկկողմ փաստաթուղթը՝ «ՀՀ արտաքին գործերի նախարարության և Ավստրալիայի արտաքին գործերի ևառևտրի դեպարտամենտի միջև խորհրդակցությունների վերաբերյալ հուշագիրը»:

Բոբ Կարը, ընդունելով պատասխան այցելությամբ Երևան ժամանելու Էդվարդ Նալբանդյանի հրավերը, հայտնեց հաջորդ տարվա առաջին կեսին Հայաստան այցելելու մտադրության մասին:

Բանակցությունները շարունակվեցին Ավստրալիայի խորհրդարանի անդամների և հայ համայնքի ներկայացուցիչների ներկայությամբ՝ Ավստրալիայի արտգործնախարարի կողմից ՀՀ ԱԳնախարարի պատվին տրված պաշտոնական ճաշի ընթացքում: Նույն օրը Էդվարդ Նալբանդյանը հանդիպեց Ավստրալիայի Ներկայացուցիչների պալատի նախագահ Պիտեր Սլիպերի հետ:

Զրուցակիցները մտքեր փոխանակեցին համագործակցության միջխորհրդարանական ձևաչափի խթանման վերաբերյալ: Այս ենթատեքստում Էդվարդ Նալբանդյանը նշեց, որ Հայաստանըմեծ կարևորություն է տալիս միջխորհրդարանական փոխգործակցությանը՝ որպես երկրների միջև հարաբերությունների զարգացման կարևոր ձևաչափ և ողջունեց ավստրալական կողմիմտադրությունը՝ ակտիվացնելու համագործակցության այդ ոլորտը:

Հայաստանի արտգործնախարարը Ավստրալիայի խորհրդարանի ղեկավարին ներկայացրեց Հայաստանի արտաքին քաղաքականության գլխավոր ուղղությունները և տարածաշրջանայինխնդիրների լուծման նպատակով ձեռնարկվող քայլերը:

Էդվարդ Նալբանդյանը հանդիպեց նաև Ավստրալիայի խորհրդարանի՝ Հայաստանի հետ բարեկամության խմբի անդամների հետ:

Խմբի նախագահ Ջոֆ Լիոնսին և փոխնախագահ Ջոն Հոքեիններկայացրեցին երկու երկրների հարաբերությունների զարգացման նպատակով իրենց գործունեությունը, Հայոց ցեղասպանության ճանաչման ուղղությամբ բարեկամական խմբի աշխատանքները:

Նախարար Նալբանդյանը շնորհակալություն հայտնեց պատգամավորներին հայանպաստ գործունեության համար և տեղեկացրեց Կովկասյան տարածաշրջանում Հայաստանիքաղաքականության մասին:

Կանբերայում Էդվարդ Նալբանդյանը հյուրընկալվեց նաև Միջազգային հարաբերությունների ավստրալական ինստիտուտում, որտեղ Ավստրալիայի առաջատար քաղաքագետների ևվերլուծաբանների առջև հանդես եկավ Հայաստանի արտաքին քաղաքականության մասին ելույթով, որին հետևեց հանգամանալից հարցուպատասխան Կովկասյան տարածաշրջանիզարգացումների, մերձավորարևելյան իրադարձությունների և միջազգային օրակարգի մի շարք այլ վերաբերյալ:

Օգոստոսի 12-ին Սիդնեյում Էդվարդ Նալբանդյանը այցելեց Սուրբ Հարության հայ առաքելական եկեղեցի, ուր մասնակցեց Սուրբ Մարիամ Աստվածածնի փոխակերպման տոնի առթիվմատուցված պատարագին:

Երեկոյան ԱԳ նախարարը հանդիպեց ավստրալահայ համայնքի շուրջ 400 ներկայացուցիչների, որոնց ներկայացրեց Հայաստանի արտաքին քաղաքականության հիմնական ուղղություններըև պատասխանեց ներկաների բազմաթիվ հարցերին, հաղորդում է ՀՀ ԱԳՆ մամլո ծառայությունը: