Նորվեգացի քաղաքական գործիչները և թերթերի խմբագիրները երկուշաբթի երեկոյան էլեկտրոնային փոստով նամակ են ստացել` ստորագրված «Տամպլիերների միաբանության» ղեկավարի տեղակալի կողմից, որում նա սպառնացել է և պահանջել ազատ արձակել ահաբեկչության մեջ մեղադրվող Անդերս Բրեյվիկին, հաղորդում է ՌԻԱ Նովոստին:
«Մենք պահանջում ենք արդարացնել մեր հրամանատարին և նրա գործողություններն անհրաժեշտություն ճանաչել այս պատերազմում»,- մեջբերում են ԶԼՄ-ները նամակից մի հատված: Նամակի վերջում հեղինակը պահանջներ է առաջադրում, որոնք շատ նման են նրանց, որոնք առաջադրել էր Բրեյվիկը ձերբակալությունից հետո և դատարանում: Այդ պահանջները չկատարելու դեպքում հեղինակը սպառնում է ոչնչացնել երկրի «հասարակության վերնախավը»:
Նամակներ ստացած քաղաքական գործիչները լրագրողներին խոստովանել են, որ դրանք լուրջ են ըդնունել և անհանգստացած են սպառնալիքներով:
