«Թոլիշպրես» տեղեկատվական գործակալությունը հունվարի 20-ին հրապարակել է հետաքրքրաշարժ տեղեկատվություն, որտեղ ասվում է, որ «Ազադլիգի» հետաքննության համաձայն, ադրբեջանական ընկերությունները, որոնք բեռներ են ուղարկում Հայաստան, հովանավորվում են երկրի առաջին դեմքերի կողմից: Այդպես, Հայաստան վառելանյութ առաքող «Ազպետրոլ»-ի ղեկավարը տնտեսական զարգացման նախարար Ֆարհադ Ալիեւի եղբայրն է: Այդ ոլորտի մենաատեր «ԱԲՈՒ-Հոլդինգը» պատկանում է արժեթղթերի պետական կոմիտեի նախագահ Հեյդար Բաբաեւի եղբորը: Հայաստան թեյ, բուսական յուղ, ձուկ առաքողների հովանավորն է մաքսատան պետ Քեմալեդդին Հեյդարովը, իսկ ցորենի առաքիչն է նախագահի աշխատակազմի ղեկավար Ռամիզ Մեհտիեւը: