«Վրացական երազանք» ընդդիմադիր կոալիցիայի առաջնորդ, միլիարդատեր Բիձինա Իվանիշվիլին չի բացառում, որ ապագայում «Ազատ դեմոկրատներ» կուսակցության առաջնորդ Իրակլի Ալասանիան Վրաստանում կզբաղեցնի բարձրագույն պաշտոն, հաղորդում է «Ինտերֆաքսը»:
«Իրակլի Ալասանիան շատ փորձառու քաղաքական գործիչ է: Նրան լավ գիտեն ԱՄՆ-ում, որտեղ նա զբաղեցրել է ՄԱԿ-ում Վրաստանի մշտական ներկայացուցչի պաշտոնը, ուստի լիովին հավանական է, որ մոտ ապագայում նա կարող է Վրաստանում բարձրագույն պաշտոն զբաղեցնել»,- հայտարարել է Իվանիշվիլին: