PROtransfers. «Արսենալը» հետաքրքրված է Հենրիխ Մխիթարյանի ծառայություններով
Ինչպես հաղորդում է PROtransfers-ը, Դոնեցկի «Շախտյորի» և Հայաստանի հավաքականի կիսապաշտպան Հենրիխ Մխիթարյանը հայտնվել է «Արսենալի» գլխավոր մարզիչ Արսեն Վենգերի ուշադրության կենտրոնում: Ֆրանսիացի մասնագետը լրջորեն դիտարկում է երիտասարդ խաղացողի թեկնածությունը, որի պոտենցիալ արժեքը 20 մլն եվրո է:
Նախօրեին «Շախտյորի» մարզիչ Միրչա Լուչեսկուն հայտարարել է, որ անգլիական ակումբը հետաքրքրված է իրենց ֆուտբոլիստով. «Ինձ զանգահարել է անգլիական առաջնության մարզիչներից մեկը` անգլիական ֆուտբոլի կարևոր դեմքերից մեկը: Նա հետաքրքրված է մեր ֆուտբոլիստներից մեկով. խոսքը հարձակվողի մասին է»:
