Եվրահանձնաժողովը կարծում է, որ եվրոյի գոյությունը վտանգված չէ, ինչի մասին վկայում են եվրագոտու բոլոր երկրների ղեկավարներին հանձնարարված խիստ պարտականությունները, որոնք տրվել են ԵՄ վերջին գագաթնաժողովի ընթացքում, հայտարարել է Եվրահանձնաժողովի պաշտոնական ներկայացուցիչ Օլիվիե Բային:

Բային ընդգծել է, որ գերատեսչությունը չի աշխատում ոչ եվրագոտու կործանման, ոչ արտակարգ պլանի ոչ էլ այլ սցենարի շուրջ:

Ինչպես նշում է Korrespondent.net-ը, այս կերպ է արձագանքել Բային` Ֆինլյանդիայի ԱԳ նախարարի բառերը մեկնաբանելու խնդրանքին: Վերջինս նշել էր, որ եվրագոտու հնարավոր կործանման հեռանկարն այքան էլ սարսափելի չէ: