Մայքլ Ֆելպսը կարող է զրկվել մեդալներից, որոնք նվաճել է Լոնդոնի Օլիմպիական խաղերի ժամանակ
18 անգամ Օլիմպիական չեմպիոն ճանաչված ամերիկացի լողորդ Մայքլ Ֆելպսը կարող է զրկվել մեդալներից, որոնք նվաճել է Լոնդոնի Օլիմպիական խաղերի ժամանակ:
Պատճառն այն է, որ նա մասնակցել է ֆրանսիական նորաձևության տան համար նախատեսված ֆոտոնկարահանումներին: Սակայն ըստ ՄՕԿ կանոնադրության, օլիմպիականները իրավունք չունեին մինչև օգոստոսի 15-ը մասնակցելու գովազդային ակցիաների, որոնք խաղերին չէին առնչվում:
Խախտման համար Ֆելպսը կամ պետք է խոշոր դրամական տուգանք վճարի , կամ հրաժարվի նվաճած մեդալներից:
«Մայքլը ՄՕԿ օրենքը խախտել է անգիտակցաբար: Նա տեղյակ չէր, որ մասնակցում է գովազդային ակցիայի»,-լողորդի գործակալ Փիթեր Կարլայլի խոսքը հաղորդում է ԻՏԱՐ-ՏԱՍՍ-ը:
