Ուկրաինայում Ադրբեջանի դեսպան Էյնուլլահ Մադատալին այցելել է Ղրիմ, որտեղ, ըստ նրա, արդեն բնակվում է 10 հազար ադրբեջանցի: Այս մասին հաղորդում է Ղրիմի Ինքնավար Հանրապետության Նախարարների խորհուրդը, փոխանցում է «Ռոսբալթը»:
Ադրբեջանական սփյուռքի տվյալներով, Ուկրաինայում բնակվում է 250 հազար ադրբեջանցի: Այս առնչությամբ ադրբեջանցինեերը տարակուսում են` ինչու են ռուսերենն ու հայերենը Ուկրաինայում ճանաչվել տարածաշրջանային լեզուներ, իսկ ադրբեջաներենը` ոչ:
Համաձայն օգոստոսի 10-ից ուժի մեջ մտած նոր օրենքի, ռուսերենը Ուկրաինայի տարածքում ճանաչվել է տարածաշրջանային լեզու, քանի որ այն բնակչության առնվազն 10 տոկոսի մայրենի լեզուն է: Բացի այդ տարածաշրջանայի լեզուների ցուցակում ներառվել են բելառուսերենը, հայերենը, բուլղարերենը, վրացերենը և մի շարք այլ լեզուներ: