«Հրապարակ». Միշա Քալանթարյանի ինքնասպանության վարկածներից մեկը ֆինանսական խնդիրներն են
«Հրապարակը» գրում է. «Ըստ մի վարկածի՝ պատճառը ֆինանսական խնդիրներն են, որոնց մենք անդրադարձել ենք:
Խոսքը Աշոտ Սուքիասյանի կողմից առաջարկված նախագծին մասնակցելու արդյունքում Հայրապետյանների ընտանիքի կրած մեծ վնասների մասին է. Սիերա Լիոնեում ոսկու-ադամանդի հանք ձեռք բերելու համար Հայրապետյաններն իրենց գույքը գրավադրել են «Ամերիաբանկում»:
Ըստ այս վարկածի՝ Քալանթարյանը, որ Փայլակ Հայրապետյանի հարազատ եղբայրն է, որոշակի շրջանակների առաջ պարտավորություն է ստանձնած եղել, որ եռամսյա ժամկետում «Ամերիաբանկին» կվճարի 12 մլն պարտքը, եթե բանկը դադարեցնի հետապնդումները «Հայաստան» հանրախանութի նկատմամբ: Հետապնդումը դադարեցվել է, սակայն ստանձնած պարտավորությունը կատարել չի հաջողվել», - գրում է թերթը:
