Ֆրանսիայի նախագահը Քաթարի առաջնորդի հետ կքննարկի սիրիական ճգնաժամը
Ֆրանսիայի նախագահ Ֆրանսուա Օլլանդը բանակցություններ կվարի Քաթարի էմիր շեյխ Համադ բեն Հալիֆ Ալ Թանիի հետ, հաղորդում են ֆրանսիական ԶԼՄ-ները:
Սպասվում է, որ բանակցությունների ընթացքում երկու երկրների առաջնորդները կքննարկեն Սիրիայում տիրող իրավիճակը:
Ավելի վաղ հաղորդվում էր, որ Ֆրանսիան աջակցություն է տրամադրում Սիրիայի ազատ բանակին, սակայն զենք չի մատակարարում, հաղորդում է «Ռոսբալթը»:
Ֆրանսիայի վարչապետ Ժան-Մարկ Էյրոն չորեքշաբթի BFMTV-RMC ռադիոկայանի եթերում հայտարարել էր, որ Ֆրանսիան ապստամբներին ապահովում է ռազմատեխնիկայով, որը նախատեսված չէ սպանությունների համար` կապի և ինքնապաշտպանության միջոցներով:
