Շրի-Լանկայի դատարանը ֆրանսիացի երեք զբոսաշրջիկների` 2 կանանց և մեկ տղամարդու, դատապարտել է 6-ամսյա բանտարկության` Բուդդայի արձանի հետ անարգալից նկարներ անելու համար, հաղորդում է Agence France-Presse-ը:
Նկարներում կին-զբոսաշրջիկներից մեկը համբուրում է Բուդդայի արձանի շրթունքները, իսկ տղամարդը փորձում է կրկնել նրա դիրքը: Ֆոտոստուդիայի տերը, որտեղ պետք է տպվեին նկարները, դրանք համարել է անարգալից և դիմել դատարան:
Ինչպես նշում է գործակալությունը, Շրի-Լանկայի բնակիչները չափազանց զգայուն են արտասահմանցիների կողմից Բուդդային պատկերող արձանների նկատմամբ անարգալից վերաբերմունքի հանդեպ: