Ուկրաինայի Ենակիևոյում (Դոնեցկի մարզ) տեղի է ունենում Վլադիմիր Մանուկյանի անվան բռնցքամարտի միջազգային ընկերական հանդիպում Ուկրաինայի և Հայաստանի ակումբների հավաքականների միջև, հաղորդում է Analitika.at.ua-ն: Բացման ժամանակ Բռնցքամարտի ակումբների ուկրաինական լիգայի նախագահ Վլադիմիր Մանուկյանը և Ուկրաինայի Հայերի միության մարզական հանձնաժողովի նախագահ Սուրեն Ավագյանը ողջունել են մրցումների մասնակիցներին, նշելով, որ նման մրցաշարերն ամրապնդում են երկու երկրների մարզական և բարեկամական կապերը:
Մրցաշարը կազմակերպվել է Բռնցքամարտի ակումբների ուկրաինական լիգայի կողմից Ուկրաինայի Հայերի միության աջակցությամբ: Հայկական պատվիրակությունը գլխավորում է Հայաստանի ԱՕԿ փոխնախագահ Դերենիկ Գաբրիելյանը: Մրցումներն ընթանում են 9 քաշային կարգերում, որոնց հաղթողները կստանան մրցանակներ Բռնցքամարտի ակումբների ուկրաինական լիգայի և Ուկրաինայի հայերի միության կողմից: