Հյուսիս-Հարավ մայրուղու շինարարությունը կսկսվի աշնանը27 օգոստոսի 2012 - 16:17 AMT PanARMENIAN.Net - Հայաստանի Հանրապետության տրանսպորտի և կապի նախարար Գագիկ Բեգլարյանն օգոստոսի 27-ին ընդունել է Իտալիայի Հանրապետության արտաքին գործերի նախարարության պետքարտուղար, նախարարի տեղակալ Մարթա Դասսուի գլխավորած պատվիրակությանը: Գագիկ Բեգլարյանը կարևորել է Իտալիայի հետ կապերը տրանսպորտի և հեռահաղորդակցության բնագավառում, ներկայացրել Հայաստանի առաջնային այն ծրագրերը, որոնք կարող են հետաքրքրություն առաջացնել Իտալիայի համար, հայտնում է նախարարության մամլո ծառայությունը: Նախարարը նշել է, որ ճանապարհաշինարարության ոլորտում աշնանը մեծ ծավալով կսկսվեն Հյուսիս-Հարավ ճանապարհային միջանցքի աշխատանքները, որոնք ֆինանսավորվելու են Ասիական զարգացման բանկի կողմից, ինչպես նաև մի շարք համաշխարհային կազմակերպություններ ցանկություն են հայտնել մասնակցել այդ գործընթացին:Նա ընդգծել է, որ Առաջին և Երկրորդ տրանշի համար հայտարարված մրցույթն ավարտվել է, իսկ Երրորդ և Չորրորդ տրանշի շինարարական աշխատանքների համար հայտարարվելիք մրցույթին կարող են մասնակցել նաև իտալական կազմակերպությունները: Մարթա Դասսուն հավանություն է տվել այդ առաջարկին և նշել, որ Իտալիա մեկնելուն պես շահագրգիռ կազմակերպություններին կտեղեկացնի Հայաստանում կատարվող ավտոճանապարհների շինարարության ծրագրի մասին, քանի որ Իտալիան ենթակառուցվածքների շինարարության առումով շատ ակտիվ է: Հանդիպման ընթացքում քննարկվել են նաեւ Հայաստանի կապի ոլորտին առնչվող հարցեր: Հանդիպմանը ներկա ՀՀ-ում Իտալիայի Հանրապետության արտակարգ և լիազոր դեսպան Բրունո Սկապինին հույս է հայտնել, որ այդ ոլորտում երկու երկրները կարող են շարունակել հաստատված կապերը: Մարտա Դասսուն կարևորել է Հայաստանի հետ Իտալիայի հարաբերությունները քաղաքական եւ տնտեսական առումով, շեշտել, որ երկու երկրներն ունեն նաև պատմամշակութային և ժողովուրդների միջև հաստատված բարեկամական ամուր կապեր: Գագիկ Բեգլարյանն իր հերթին ընդգծել է, որ տրանսպորտի և կապի նախարարությունը պատրաստ է տարբեր ծրագրերով և առաջարկներով համագործակցել Իտալիայի հետ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» «Ազատություն»․ Ազատամուտից Ղազախ հատվածում ուժեղացված հսկողություն է՝ ենթադրյալ հայ-ադրբեջանական հանդիպումն է Առավոտյան տեղացիները դեպի Ադրբեջանի սահման գնացող պետական մեքենաներ են տեսել Զախարովա․ ՌԴ–ն չի առաջարկել ՀՀ-ին դուրս բերել իր բոլոր սահմանապահներին Նա սուտ է անվանել այդ տեղեկությունները Բաքվի դատարանը 5 ամսով երկարացրել է Արցախի նաև մյուս ղեկավարների ապօրինի կալանքը Դատարանը բավարարել է ներկայացված միջնորդությունները |