«Հրապարակ».Նախըտրական կրակոցներ. այս անգամ ՝ Գյումրիում
Գյումրիում դարձյալ նախընտրական կրակոցներ են հնչել: Ըստ «Հրապարակ» օրաթերթի տեղեկությունների` կրակել են Գյումրիի կայարանին կից «Երկաթգծի» թաղամասում:
«Մասնակիցների թվում կրկին շրջանառվում է Գյումրիի քաղաքապետ Վարդան Ղուկասյանի որդու` Սպարտակի անունը, ով մի քանի օր առաջ է Ռուսաստանից վերադարձել Հայաստան: Ըստ քաղաքում շրջանառվող տեղեկությունների, Սպարտակն իր մտերիմներով վիճաբանել է թաղամասի մի քանի երիտասարդների հետ, որոնք սատարում են քաղաքապետի թեկնածու Սամվել Բալասանյանին, որից հետո կրակոցներ են հնչել:
Այս փաստը մեր թղթակցի հետ զրույցում հաստատել է նաեւ Շիրակի մարզի ոստիկանապետ Կարեն Բաբակեխյանը, սակայն անուններ կամ մանրամասներ հրաժարվել է հաղորդել: Նշել է միայն, որ դեպքի հանգամանքները ճշտվում են, զոհեր եւ վիրավորներ չկան»- գրում է թերթը:
