«Օրանժ»-ը պատրաստակամ է հետագայում ևս շարունակել ներդրումները Հայաստանում28 օգոստոսի 2012 - 17:50 AMT PanARMENIAN.Net - Վարչապետ Տիգրան Սարգսյանն ընդունել է «Օրանժ-ֆրանս տելեկոմ» ընկերության փոխնախագահ Բենուա Շինի գլխավորած պատվիրակությանը: Ողջունելով հյուրերին ՀՀ կառավարությունում՝ վարչապետը նշել է. «2009 թվականին մենք հնարավորություն ընձեռեցինք «Օրանժ»-ին մուտք գործել հայկական շուկա: Այսօր կարող ենք արձանագրել, որ կառավարության այդ որոշումն իրեն լիովին արդարացրել է, որովհետև ունեցանք նոր ընկերություն, որը տեղեկատվական հաղորդակցության դաշտում ավելացրեց մրցակցությունը, բարձրացրեց մատուցվող ծառայությունների որակը և դրանց հասանելիության աստիճանը, ինչից, բնականաբար, շահեցին մեր քաղաքացիները»,- ասել է Տիգրան Սարգսյանը, հայտնում է կառավարության մամլո ծառայությունը: «Օրանժ-ֆրանս տելեկոմ» ընկերության փոխնախագահը շնորհակալություն է հայտնել ՀՀ կառավարությունից՝ ցուցաբերվող աջակցության համար: Բենուա Շինը տեղեկացրել է, որ «Օրանժ»-ը պատրաստակամ է հետագայում ևս շարունակել ներդրումները մեր երկրում, ինչպես նաև ավելացնել մատուցվող բարձր մակարդակի ծառայությունների քանակը, ինչին ի պատասխան՝ վարչապետը ՀՀ կառավարության աջակցությունն է հայտնել ֆրանսիական ընկերությանը հետագա ծրագրերի իրականացման գործում: Այնուհետև Բենուա Շինը կառավարության ղեկավարին է ներկայացրել «Օրանժ-Արմենիա» ընկերության նոր գլխավոր տնօրեն Ֆրանսիս Ժելիտբերին, ով այդ պաշտոնում փոխարինելու է իր գործունեությունն ավարտող Բրունո Դյութուային: Տիգրան Սարգսյանը շնորհակալություն է հայտնել վերջինիս՝ մեր երկրում կատարած աշխատանքի համար, և «Օրանժ-Արմենիա» ընկերության նոր ղեկավարին մաղթել հաջողություններ՝ հետագա գործունեության մեջ: Կողմերը քննարկել են նաև Հայաստանի ողջ տարածքում ինտերնետային կապի զարգացմանը, բջջային հեռախոսներում հայերեն ստեղնաշարերի ներդրման հնարավորությանը վերաբերող հարցեր: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |