ԱՄՆ-ը Թուրքիայի և այլ դաշնակիցների հետ շարունակում է Սիրիայի վերաբերյալ խորհրդատվությունները և չի բացառում հակամարտության կարգավորման սցենարներից ոչ մեկը: Ինչպես հաղորդում է ՌԻԱ Նովոստին, այդ մասին հաղորդել է պետդեպատամենտի ներկայացուցիչ Պատրիկ Վենտրելը:

«Մենք շարունակում ենք սիրիական հարցի լայն քննարկումը մեր թուրք դաշնակիցների, ինչպես նաև այլ գործընկերների հետ: Մենքնախկինի նման դիտարկում ենք բոլոր հնարավոր տարբերակները, բայց ես ձեզ չեմ կարող ոչինչ ասել ինչ-որ նոր առաջարկների մասին»,- ասել է Վենտրելը հինգշաբթի օրը կայացած ճեպազրույցում:

Ի պատասխան Նյու Յորքում կայացած ՄԱԿ ԱԽ հանդիպումը մեկնաբանելու խնդրանքի, Վենտրելը նշել է, որ այդ միջոցառումը նախնական է եղել երկրում հումանիտար ճգնաժամի պայքարի դեմ խորհրդատվությունների շարքում: