Ալիևի վարչակազմը փորձում է արդարանալ ԱՄՆ առջև 1 սեպտեմբերի 2012 - 14:50 AMT PanARMENIAN.Net - Ադրբեջանի նախագահի աշխատակազմը «իր վերաբերմունքն է հայտնել» ԱՄՆ Ազգային անվտանգության խորհրդի մամլո ծառայության հայտարարության հանդեպ հայ սպային կացնահարած Ռամիլ Սաֆարովին ներում շնորհելու վերաբերյալ: Ինչպես հայտնում է ԱՊԱ-ն, Ադրբեջանի նախագահի աշխատակազմի իրավապահ մարմինների հետ աշխատանքի բաժնի պետ Ֆուադ Ալեսկերովն ասել է հետևյալը. «Դատապարտված անձնաց պատիժը կրելու համար արտահանձնման կարգը կարգավորվում է Դատապարտյալների փոխանցման մասին եվրոպական կոնվենցիայով, որը ընդունվել է ԵԽ-ում 1983թ.: Հունգարիան և Ադրբեջանը վավերացրել են այդ կոնվենցիան: Ըստ Կոնվենցիայի, պայմանավորվող կողմերից մեկի տարածքում դատապարտված անձը կարող է փոխանցվել մյուս պայմանավորվող կողմին կայացված պատիժը կրելու համար: Կոնվենցիան կարող է իրականացվել նաև այն դեպքում, երբ դատապարտյալն արդեն կրում է պատիժը: Ռամիլ Սաֆարովի արտահանձնման մասին որոշում կայացնելիս Հունգարիան, ինչպես նաև Ադրբեջանը, պահպանել են Կոնվենցիայի բոլոր դրույթները: Ադրբեջանական կողմը ներկայացրել է անհրաժեշտ իրավական տեղեկատվություն դատավճռի հետագա իրականացման համար: Ստացված տեղեկատվության հիման վրա հունգարական կողմը համաձայնվել է արտահանձնել Ռամիլ Սաֆարովին: Ինչ վերաբերում է Սաֆարովին ներում շնորհելուն, ապա պետք է նշել, որ հունգարական դատարանի դատավճիռը պայմանական ազատման ժամկետը սահմանել է դատավճռի կայացումից 30 տարվա ընթացքում: Այդ սահմանափակումը չի տարածվում դատապարտյալին ներում շնորհելու կամ համաներման արդյունքում ազատ արձակելու վրա: Սաֆարովին ներում է շնորհվել ըստ Ադրբեջանի Սահմանադրության և օրենսդրության՝ հաշվի առնելով Կոնվենցիայի դրույթները: Կոնվենցիան նախատեսում է, որ Կողմերից յուրաքանչյուրը կարող է ներում շնորհել, համաներում հայտարարել կամ կրճատել պատիժը ըստ այդ երկրի Սահմանադրության ու իրավական ակտերի: Ըստ Ադրբեջանի Սահմանադրության, ներման շնորհումը Ադրբեջանի նախագահի բացառիկ իրավունքն է: Ըստ Ադրբեջանի ՔՕ, ցմահ ազատազրկման դատապարտված անձանց հանդեպ ներում կարող է կիրառվել ցմահ բանտարկությունը 25 տարի ազատազրկմամբ փոխարինելով: Սաֆարովը ազատազրկման մեջ էր 2004թ. փետրվարի 19-ից, այսինքն նա պատիժը կրել է 8,5 տարի: Ներման ակտը պետք է դիտարկել որպես ցմահ ազատազրկման փոխարինում այն պատժաչափով, որը նա արդեն կրել է: Հաշվի առնելով այս ամենը Ռամիլ Սաֆարովը ազատ է արձակվել: Այդպիսով, ինչպես Հունգարիայի կողմից Սաֆարովի արտահանձնումը, այնպես էլ դրան հաջորդած նրա ներումը լիովին համահունչ են Դատապարտյալների փոխանցման մասին եվրոպական կոնվենցիային ու Ադրբեջանի օրենսդրությանը»: ԱՄՆ Ազգային անվտանգության խորհրդի մամլո քարտուղար Թոմի Վիետտորը մեկնաբանել է հայ սպա Գուրգեն Մարգարյանի սպանության համար Հունգարիայում ցմահ բանտարկության դատապարտված Ռամիլ Սֆարովին Հունգարիայի կողմից Ադրբեջանին հանձնելու և նրան ներելու Ադրբեջանի որոշումը: «Նախագահ Բարաք Օբաման լրջորեն մտահոգված է այն հաղորդագրությամբ, որ Ադրբեջանի նախագահ Իլհամ Ալիևը անհապաղ ներում է շնորհել Ռամիլ Սաֆարովին Հունգարիայից վերդառնալուց անմիջապես հետո: Մենք մեր հիասթափությունն ենք հայտնել Ադրբեջանի իշխանություններին Սաֆարովի վերաբերյալ նրանց որոշման առնչությամբ, որը հակասում է լարվածության նվազեցմանը տարածշրջանում և հաշտեցման հաստատմանը: ԱՄՆ-ն նաև բացատրություններ է ակնկալում Հունգարիայից Սաֆարովին Ադրբեջանին արտահանձնելու վերաբերյալ»: ԱՄՆ Պետդեպարտամենտը նույնպես դատապարտել է Ռամիլ Սաֆարովի էքստրադիցիան ու ներումը: «ԱՄՆ-ն չափազանց մտահոգված է Ռամիլ Սաֆարովին ներում շնորհելու որոշման մասին տեղեկությամբ: Մենք նաև մանրամասն տեղեկատվություն ենք ակնկալում Հունգարիայից Սաֆարովի էքստրադիցիայի մասին»: Ցմահ բանտարկության դատապարտված Սաֆարովը արտահանձնվել է Ադրբեջանին, որտեղ նրան անհապաղ ներում է շնորհել Ադրբեջանի նախագահը: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |