Եվրոն կայուն է դոլարի նկատմամբ եվրագոտու պարտքային ճգնաժամի հետ պայքարում Եվրոպական կենտրոնական բանկի գործողությունների հույսերի շնորհիվ:
Եվրոյի փոխարժեքը մոտ է 1,2575 դոլարի` նվազելով 8 շաբաթների 1,2638 դոլար առավելագույն կետից:
Ներդրողները հուսով են, որ ԵԿԲ-ն չորեքշաբթի օրը կայանալիք խորհրդակցությունում կհաղորդի արժեթղթեր ձեռք բերելու նոր ծրագրի մասին: Վերլուծաբանները ենթադրում են, որ ԵԿԲ-ն կնվազեցնի տնտեսական աճի կանխատեսումներն օգոստոսին Գերմանիայի և Ֆրանսիայի արտադրական ակտիվության կրճատման մասին տվյալների լույս տեսնելուց հետո:
ԱՄՆ Դաշնային պահուստային համակարգի ղեկավար Բեն Բերնանկեն ուրբաթ օրը հաղորդել է, որ Կենտրոնական բանկը դժգոհ է աշխատանքի շուկայի վերականգնման տեմպերից և պատրաստ է անհրաժեշտության դեպքում աջակցել տնտեսությանը: