Նախագահն ու Արգենտինայի արտգործնախարարը խոսել են Արցախյան հակամարտության մասին

Նախագահն ու Արգենտինայի արտգործնախարարը խոսել են Արցախյան հակամարտության մասին

PanARMENIAN.Net - Նախագահ Սերժ Սարգսյանն այսօր ընդունել է պաշտոնական այցով Երևան ժամանած Արգենտինայի Հանրապետության արտաքին գործերի նախարար Հեկտոր Մարկոս Թիմերմանին:

Ինչպես PanARMENIAN.Net ին հայտնում են ՀՀ նախագահի աշխատակազմի լրատվական ծառայությունից, հանրապետության ղեկավարը նշել է, որ չնայած աշխարհագրական հեռավորությանը՝ Հայաստանի և Արգենտինայի միջև հարաբերությունները մշտապես առանձնացել են հատուկ ջերմությամբ, և երկու ժողովուրդների միջև համակրանքն ու փոխադարձ վստահությունը գոյություն են ունեցել Հայաստանի անկախացումից շատ ավելի վաղ: Սերժ Սարգսյանն ընդգծել է, որ Հայաստանը պատրաստակամ է ավելի խորացնելու հարաբերությունները բարեկամ Արգենտինայի հետ և հույս է հայտնել, որ արտգործնախարար Թիմերմանի այցը Հայաստան նոր խթան կհանդիսանա հայ-արգենտինյան համագործակցությունը զարգացնելու և երկկողմ կապերն առավել ամրապնդելու համար:

Արտգործնախարար Հեկտոր Մարկոս Թիմերմանի խոսքով, Հայաստանը Արգենտինայի համար պարզապես երկիր չէ, այլ բարեկամ երկիր, որի պատմությունը հարգանքի է արժանի: Նախարարը վստահեցրել է, որ Արգենտինայի ժողովրդի ցանկությունն է՝ խորացնել համագործակցությունը Հայաստանի հետ, և իր երկրի կառավարությունն այն իրականացնելու բոլոր հնարավորություններն ունի:

Կողմերը մտքեր են փոխանակել տարածաշրջանային խնդիրների, ինչպես նաև Լեռնային Ղարաբաղի հակամարտության վերաբերյալ:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---