Հայաստանի գյուղատնտեսության նախարարության սննդամթերքի անվտանգության պետական ծառայությունը մտադիր է ստուգումներ անցկացնել պանրի շուկայում: Այդ մասին ՀՀ կառավարության նիստում սեպտեմբերի 6-ին հաղորդել է պետական կառույցի պետ Աբրահամ Բախչագուլյանը:
Հայաստանի վարչապետ Տիգրան Սարգսյանը նիստի ընթացքում հասարակության ուշադրությունն է հրավիրել երկրում սննդամթերքի անվտանգության բարձրացման հարցի վրա, որը գտնվում է կառավարության ուշադրության կենտրոնում:
Նրա խոսքով, այսօրվա դրությամբ Հայաստանում պանրի արտադրությամբ զբաղված են շուրջ 100 ընկերություններ:
«Մենք տեսչական ստուգումներ կանցկացնենք այդ ընկերություններում, քանի որ մտավախություններ կան պանրի բաղադրությունը խախտելու հետ կապված, երբ արտադրողը փոձրում է մոլորության մեջ գցել յուղայնության վերաբերյալ` օգտագործելով այլ մթերքներ»,- ասել է նա:
Աբրահամ Բախչագուլյանը հավելել է, որ արդեն պատրաստվել է ստուգումների պլան և 2 ամիս անց կլինեն արդյունքներ:
