Հայաստանի 11 ազգային փոքրամասնությունները ոչ միայն վրդովված են Գուրգեն Մարգարյանին կացնահարած Ռամիլ Սաֆարովին հայրենիք էքստրադիցիայի ենթարկելու փաստով, այլև խոստանում են բոլորի հետ միասին պայքարել արդարության վերականգնման համար: Այս մասին մամլո ասուլիսի ժամանակ ասաց Հայաստանի հրեական համայնքի նախագահ Ռիմա Վարժապետյանը: Նրա խոսքով, երեկ 11 ազգային փոքրամասնությունների ներկայացուցիչները խորհրդակցություն են ունեցել, որի ընթացքում և ընդունվել է այս որոշումը: Վարժապետյանը նաև գտնում է, որ մահը Սաֆարովի համար մեծ նվեր կլինի: Փոխարենը պետք է դաժանորեն պատժել, որից հետո նա կզղջա իր արածի համար:

Նրանք նաև հանդես են եկել հայտարարությամբ, որտեղ ժողովրդական արժեքներ դավանող բոլոր երկրներին կոչ են արել դատապարտել այս մեծագույն հանցանքը: