ՄԱԿ-ը Սաֆարովի մասին. Էթնիկ հողի վրա իրականացված հանցագործությունները պետք է դատապարտվեն, այլ ոչ թե փառաբանվեն 7 սեպտեմբերի 2012 - 21:45 AMT PanARMENIAN.Net - Այսօր մարդու իրավունքների հարցով ՄԱԿ-ի գերագույն կոմիսարի վարչությունը լուրջ անհանգստություն է արտահայտել` կապված ադրբեջանցի Ռամիլ Սաֆարովի գործի հետ: Վերջինս ցմահ ազատազրկման էր դատապարտվել Հունգարիայում` 2004-ին հայ սպա Գուրգեն Մարգարյանին դաժանորեն սպանելու պատճառով: «Միջազգային ստանդարտները, որոնք վերաբերում են լուրջ հանցագործությունների համար պատասխանատվությանը, պետք է պահպանվեն»,-Ժնևում կայացած ճեպազրույցին հայտարարել է մարդու իրավունքների հարցով գերագույն կոմիսարի վարչության մամուլի քարտուղար Ռուպերտ Կոլվիլլը: Նա ընդգծել է, որ էթնիկ ատելությամբ դրդապատճառավորված նման ծանրության հանցագործությունները պետք է քննադատվեն, իսկ դրանց մեղավորները` համապատասխանաբար պատժվեն, այլ ոչ թե փառավովեն առաջնորդների և քաղաքական գործիչների կողմից: Նա ասել է, որ լիովին կիսում է ԵԱՀԿ ՄԽ համանախագահների կարծիքը այս հարցի վերաբերյալ, ովքեր ավելի վաղ այս շաբաթ իրենց խորին անհանգստությունն էին արտահայտել «այն վնասի առնչությամբ, որը հասցվում է խաղաղ գործընթացին և կողմերի միջև վստահությանը ներմամաբ և հանցագործությունը փառաբանելու ցանկացած փորձով»,-հաղորդում է ՄԱԿ-ի տեղեկատվական կենտրոնը: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Օգոստոսի 31-ին Հունգարիան արտահանձնեց Սաֆարովին Ադրբեջանին, որտեղ նրան անհապաղ ներում շնորհվեց: Հայաստանը խզեց դիվանագիտական հարաբերությունները Հունգարիայի հետ: Ըստ որոշ աղբյուրների, Սաֆարովի արտահնձնումն իրականացվել է Ադրբեջանի կողմից Հունգարիային տրամադրվելիք 2-3 եվրոյի դիմաց: Հունգարական կողմը հերքում է այս հայտարարությունները: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |