«Ժառանգություն» կուսակցությունում դեռևս չեն քննարկել այն հարցը, թե ով կվերցնի Րաֆֆի Հովհաննիսյանի պատգամավորական մանդատը, որից վերջինս հրաժարվել է, հետևաբար, այն բաժին կընկնի ընտրացուցակում 6-րդ համարի տակ գրանցված անկուսակցական Թևան Պողոսյանին: Այդ մասին PanARMENIAN.Net-ի թղթակցին է հայտնել «Ժառանգության» մամլո քարտուղար Հովսեփ Խուրշուդյանը:
Խուրշուդյանը չի բացառել, որ կուսակցությունը կարող է քննարկել Հովհաննիսյանի մանդատի հարցը, սակայն, նշել է, որ օրակարգում այդ հարցը չկա:
Ազգային ժողովի նիստում ԱԺ նախագահ Հովիկ Աբրահամյանը տեղեկացրեց, որ «Ժառանգություն» կուսակցության առաջնորդ Րաֆֆի Հովհաննիսյանը դիմում է գրել պատգամավորական մանդատը վայր դնելու մասին: Ըստ ԱԺ կանոնակարգի` դիմումը ուժի մեջ կմտնի ներկայացնելու պահից սկսած 15 օրվա ավարտին պես, եթե պատգամավորը չցանկանա այն ետ վերցնել:
Ինչպես ասել է PanARMENIAN.Net-ին Խուրշուդյանը, Հովհաննիսյանի որոշումը կապված է առաջիկա նախագահական ընտրությունների հետ: