Փետրավրի 28-ին Պրահայում կհավաքվեն «Լեռնային Ղարաբաղի մերձակա գրավյալ ադրբեջանական տարածքներում ապօրինի բնակեցման փաստահավաք» հատուկ առաքելության անդամները, հաղորդում է «Կովկասյան հանգույցը»: Առաքելության անդամները կքննարկեն վերը նշված տարծքներում իրենց անցկացված դիտարկման արդյունքները: Տվայլ քննարկումներին կմասնակցեն Մինսկի խմբի բոլոր համանախագահները, ինչպես նաեւ ԵԱՀԿ նախագահի հատուկ ներկայացուցիչ Անջեյ Կասպրշիկը: Ա.Կասպրշիկը մտադիր է հանդես գալ առաջարկով, որը նախատեսում է ավելացնել դիտարկումների քանակը Ադրբեջանի եւ Լեռնային Ղարաբաղի զինված ուժերի շփման գծում, քանի որ վերջին ժամանակներս ավելի հաճախակի են դարձել հրադադարի ռեժիմի խախտման դեպքերը: Տվյալ հարցով Ա.Կասպրշիկը գրավոր դիմել է Հայաստանի եւ Ադրբեջանի արտգործնախարարներին, ԵԱՀԿ նախագահին եւ ԵԱՀԿ ՄԽ համանախագահներին: Բացի այդ, հատուկ առաքելության անդամների հանդիպումների արդյունքների մասին կտեղեկացվեն նաեւ Ադրբեջնի եւ Հայաստանի արտգործնախարարները, որոնք Պրահա են ժամանելու մարտի 2-ին: