Կիևում կայացել է 18-22 տարեկան մարզիկների ազատ ոճի ըմբշամարտի բաց առաջնությունը: Ուկրաինայի հայերի միության մարզադպրոցի սաները լավ են հանդես եկել` զբաղեցնելով մրցանակային տեղեր:
Ինչպես հաղորդում է Analitika.at.ua-ն, մրցումներում 55կգ քաշային կարգում առաջին հորիզոնականը զբաղեցրել է Կորյուն Սահրադյանը, իսկ Արևշատ Սիանոսյանը` 3-րդ հորիզոնականը:
Ուկրաինայի հայերի միության մարզադպրոցում հունա-հռոմեական ըմբշամարտի պարապմունքներն անցկացնում է միջազգային կարգի վարպետ, ՀՀ վաստակավոր մարզիչ, Խորհրդային Միության, Եվրոպայի, միջազգային մրցաշարերի բազմակի չեմպիոն, Հայաստանի երիտասարդ հավաքականի նախկին մարզիչ Մանվել Սահրադյանը:
Սեպտեմբերի 29-30 Սպորտի մայրաքաղաքային պալատում կկայանա Ուկրաինայի հայերի միության Գավաթի ազատ ոճի ըմբշամարտի մրցաշար: Մրցաշաին մասնակցելու հրավեր են ստացել 33 երկրների մարզիկներ:
