Հայկական Սփյուռքի գործողությունները հիմանակնում չհամակարգված ու իրավիճակային են: Այսպես է կարծում քաղաքագիտական գիտությունների թկնածու, դոցենտ Նարեկ Գալստյանը: Այսօր լրագրողների հետ հանդիպման ժամանակ նա ասաց, որ հայկական սփյուռքի գնահատականը Սաֆաևովի էքստրադիցիային, այնուհանդերձ, բավական ադեկվատ էր.« Այն , ինչ արվում է սփյուռքում գնահատելի է: Բողոքի ակցիաները քաղաքացիական հասարակաության մեջ ընդունված են, բայց, ցավոք, դրանք էական ազդեցության չեն բերում, դրանք պարզապես լրացուցիչ ազդակներ են: Հունգարական իշխանությունների վրա այս ակցիաները, օրինակ, ոչ մի ազդեցություն չունեցան»:

Ինչ վերաբերում է Ռուսատանում կազամակերպված ակցիաներին, ըստ քաղաքագետի` դրանք ակնկալելի էին. «Տարօրինակ և մտահոգիչ էր ադրբեջանական կողմի արձագանքը այս ամենին: Ին չ է նշանակում մենք հետևելու ենք, մենք վերահսկելու ենք: Սա իսկապես անհասկանալի պահվածք է»:

Անդրադառնալով հայկական սփյուռքի գործողությունների համարժեքությանը քաղաքագետն ասաց, որ արդյունավետության տեսանկյունից մեր սփյուռքի գործողություններում բացակայում է կազմակերպվածությունը. «Պետք է գործողությունների ցանցային մոդել աշխատի, հստակ ռազմավարություն է պետք մշակել, սա իհարկե չափազանց բարդ է,բայց անհրաժետ է:Երբեմն այն տպավորությունն է ստեղծվում, որ մեր սփյուռքի ներուժը իրավիճակային է: Մեր խնդիրները բավական սպեցիֆիկ են, մենք կարող ենք, ցանկության դեպքում, համակարգել սփյուռքի գործողությունները»:

Անդրադառնալով Սաֆարովի արտահանձնման հետ կապված պատասխան գործողությունների ընթացքին քաղաքագետն ասաց , որ եթե Սաֆարովը մնա Ադրբեջանում, բացառված է, որ նա կրի իրր պատիժը.« Հունգարական իշխանություններին պետք է այնքան ճնշել, որ նրանք հետ ստանան Սաֆարովին: Չնայած Սաֆարովի լուսանկարներից երևում է, որ Հունգարիայում էլ նա պետք եղածի պես չի կրել իր պատիժը»: Ըստ քաղաքագետի`պետք է հասնել նրան, որ հունգարական իշխանությունները persona non grata հայտարարեն Ալիևին » :