PanARMENIAN.Net-ի թղթակցի հետ զրույցում Բոլուլինգի եվրոպական ֆեդերացիայի նախագահության անդամ և Բոուլիգի միջազգային ֆեդերացիայի մրցումների կոմիտեի անդամ Սերգեյ Լիսիցինը հայտնել է, որ Եվրոպական բոուլինգ-տուր 2012 RUSSIAN OPEN ռուսաստանյան փուլում որպես ԼՂՀ-ն ներկայացնող մարզիկ հայտագրված Արամայիս Սուլեյմանյանը մոլորության մեջ է գցել նրանց:
«Իրականում Արամայիս Սուլեյմանյանն իրականում ՌԴ քաղաքացի է և մրցաշարում ներկայացնում է Ռուսաստանը»,-ասել է Լիսիցինը:
Ավելի վաղ Ադրբեջանի սպրոտային բոուլինգի ֆեդերացիան պահանջել էր Ռուսաստանից, որպեսզի Սուլեյմանյանը ԼՂՀ ներկայացուցչի փոխարեն հայտագրվի որպես Ադրբեջանի ներկայացուցիչ:
PanARMENIAN.Net-ի թղթակիցը զրուցել է ԼՂՀ սպորտկոմիտեի նախագահ Ռազմիկ Հովսեփյանի հետ, որն ասել է, որ Արցախի մարզիկները բոլոր միջազգային մրցաշարերում ու առաջնություններում հանդես են գալիս Հայաստանի դրոշի տակ: «Մենք չունենք Արամայիս Սուլեյմանյան անունով մարզիկ, և տեղյակ չենք, որ նա մասնակցում է այդ մրցաշարին»,-ասել է Հովսեփյանը:
