Ստանիսլավ Իվանովը Սաֆարովի գործի մասին. Պետք է դատապարտել ոչ միայն Ադրբեջանի, այլ նաև Հունգարիայի գործողությունները17 սեպտեմբերի 2012 - 13:50 AMT PanARMENIAN.Net - Ադրբեջանի մասին Եվրախորհրդարանի բանաձևը, անշուշտ, կարևոր քայլ է օբյեկտիվության և արդարության ուղղությամբ: Այդ մասին Analitika.at.ua –ին տված հարցազրույցում հայտարարել է ՌԴ ԳԱԱ Արևելագիտության ինստիտուտի առաջատար գիտաշխատող Ստանիսլավ Իվանովը: «Զարմանալի է, որ ոչ բոլոր պատգամավորներն ու երկրներն են աջակցել բանաձևին այն մասին, որ ադրբեջանական իշխանությունները «հերոսացնում» են մարդու, որը ուղղակի քրեական հանցագործություն չի կատարել, այլ քնած մարդու նենգ սպանություն»,- նշել է փորձագետը: «Եթե Բաքվի արձագանքը մարդասպանի արտահանձնման վերաբերյալ սպասելի էր, ապա հունգարական իշխանությունների գործողությունները դժվար է հասկանալ: Ինչո՞վ են նրանք ղեկավարվել` գնալով այդ սադրանքին: Կարելի է ամեն ինչ վերագրել Ադրբեջանում իրավիճակի մասին վատ տեղեկացվածությանը: Բայց դա անհեթեթություն է: Հունգարիան բավական խոշոր եվրոպական երկիր է, ունի անհրաժեշտ հետախուզական և վերլուծական ծառայությունները և լավ գիտի Իլհամ Ալիևի իրական դեմքը: Ուստի պետք է դատապարտել ոչ միայն Ադրբեջանի, այլ նաև Հունգարիայի իշխանությունների գործողությունները»,- ասել է Իվանովը: Եվ երկրորդ: Ղարաբաղյան հակամարտության կարգավորման ի՞նչ խաղաղ կարգավորման մասին կարող է խոսք գնալ սպառազինությունների մրցավազքի, Թուրքիայի օգնությամբ Ադրբեջանի արագացված ռազմականացման պայմաններում: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |