Հայաստանում Վրաստանի նորանշանակ դեսպան Ռեվազ Գաչեչիլաձեն իր հավաստագրերն է հանձնել Հայաստանի նախագահ Ռոբերտ Քոչարյանին, հաղորդում է ՀՀ նախագահի մամլո ծառայությունը: Հանդիպման ընթացքում Ռոբերտ Քոչարյանը նշել է հայ-վրացական հարաբերությունների ակտիվացումը տարբեր ոլորտներում: Իր հերթին, վրացի դիվանագետը փոխանցել է Ռոբերտ Քոչարյանին Վրաստանի նախագահ Միխաիլ Սահակաշվիլու հայտարարությունն այն մասին, որ Հայաստանը Վրաստանի լավագույն հարեւանն է: Զրուղակիցները քննարկել են նաեւ էներգետիկայի եւ տրանսպորտի ոլորտներում համագործակցությանը վերաբերող հարցեր: