Ոչ աշխատանքային օրերը խանգարեցին «Արմավիային» ժամանակին մարել պարտքերը20 սեպտեմբերի 2012 - 16:37 AMT PanARMENIAN.Net - Տոնական օրերը, ինչպես նաև երկուշաբթին, ոչ աշխատանքային էին, ուստի «Զվարթնոց» օդանավակայանին «Արմավիայի» ընթացիկ պարտքերի վճարումը ժամանակին չի կատարվել: Նման հայտարարություն է տարածել ազգային ավիափոխադրող «Արմավիա» ավիաընկերությունը: «Այդ վճարումը հնարավոր է միայն 2-3 օրվա ընթացքում, այլապես անհնար է: Ուստի դա օդանավակայանի կողմից նախազգուշացում է: Իսկ այսօր տոների նախաշեմին օդանավակայանը ցանկանում է, որպեսզի «Արմավիան» կանխավճար կատարի, քանի որ հաջորդ օրերը կրկին ոչ աշխատանքային են լինելու: Դա նույնպես անհնար է, իսկ ազգային ավիափոխադրողին Անկախության տոնի նախաշեմին նման կերպ նախազգուշացնելը (ուշացումներով և ուղևորների համար անհարմարություններով) սխալ է»,- ասվում է ընկերության հայտարարությունում: «Զվարթնոց» միջազգային օդանավակայանը դեռևս սեպտեմբերի 19-ի երեկոյան կրկին կասեցրել է «Արմավիա» ավիաընկերության չվերթների սպասարկումը կուտակված պարտքերի պատճառով: Այնուամենայնիվ, ազգային ավիափոխադրողին թույլատրվել է իրականացնել թռիչքները ուղևորներին անհանգստություն չպատճառելու համար: Սակայն սեպտեմբերի 20-ի առավոտից օդանավակայանը չի սպասարկում «Արմավիայի» չվերթները: Ինչպես PanARMENIAN.Net ի թղթակցին են հայտնել օդանավակայանի մամլո ծառայությունում, «Արմավիա» ընկերությունը կրկին պարտքեր է կուտակել: «Մենք լավատեսորեն ենք տրամադրված և լավ նորությունների ենք սպասում ավիաընկերությունից»,-ասել է «Զվարթնոց» միջազգային օդանավակայանի մամուլի քարտուղար Գևորգ Աբրահամյանը: Սա արդեն առաջին դեպքը չէ, երբ օդանավակայանը դադարեցնում է ավիաընկերության չվերթների սպասարկումը պարտքերի պատճառով: Ըստ նրա, «Արմավիան» զգալիորեն գերազանցել է նախատեսված պարտքի սահմանաչափը սեպտեմբերի սկզբին, այդ պատճառով էլ դադարեցվել է չվերթների սպասարկումը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |