Հայոց ցեղասպանության թանգարանի տարածքը կընդլայնվի մինչև 2015 թ-ը20 սեպտեմբերի 2012 - 21:24 AMT PanARMENIAN.Net - Հայոց ցեղասպանության թանգարանի տարածքը կընդլայնվի, ինչպես նաև կկառուցվի նոր մասնաշենք: Այս մասին լրագրողների հետ հանդիպման ժամանակ ասաց Հայոց ցեղասպանության թանգարան-ինստիտուտի տնօրեն Հայկ Դեմոյանը: Այսօր տեղի է ունեցել Հայոց ցեղասպանության 100-րդ տարելիցի միջոցառումները համակարգող հանձնաժողովի թվով երկրորդ նիստը ՀՀ նախագահ Սերժ Սարգսյանի գլխավորությամբ, որի ընթացքում էլ քննարկվել է թանգարանի տարածքի հարցը: Դեմոյանը նշեց, որ կկառուցվի վարչական նոր շենք, իսկ ներկայիս վարչական հատվածը կտրամադրվի թանգարանի ընդլայնմանը: Դեմոյանի խոսքով կրկնակի կընդլայնվի թանգարանի մշտական ցուցադրության տարածքը: Բացի դրանից, թանգարանի շենքի երկու կողմերից տեղի կունենա տարածքի մեծացում, վարչական շենքին կից կկառուցվի նաև ժամանակավոր ցուցադրությունների սրահ: Դեմոյանը շատ չմանրամասնեց այս մասին, նշելով, որ ավելի հանգամանորեն կանդրադառնա այս հարցին հետագայում: Թանգարանը կբացվի 2015 թ-ի ապրիլի 24-ին` Եղեռնի 100-րդ տարելիցին: Նիստի ընթացքում քննարկվել է նաև 2013 և 2015 թ-ի միջոցառումների հարցը, կայքի ստեղծումը, առանձնանշանի և կարգախոսի հարցը: Նիստի օրակարգում է եղել նաև աշխարհի տարբեր մայրաքաղաքների թանգարաններում Եղեռնին նվիրված ժամանակավոր ցուցադրությունների բացումը, օտար երկրներում Հայոց ցեղասպանության մասին դասագրքերում մի քանի պարբերությամբ ներկայացնելը և այլն: Այս ամենից զատ կսահմանվի նաև նախագահական մրցանակ, որը կշնորհվի Հայոց ցեղասպանության ճանաչման գործում ունեցած ավանդ ունեցած անձանց: Կկազմակերպվեն նաև շուրջ 30 շարժական ցուցահանդեսներ: Հանձնաժողովի հաջորդ նիստը տեղի կունենա 2013 թ-ի մայիսին: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |