Հունական ոստիկանությունն այսօր արցունքաբեր գազ է կիրառել հարյուրավոր ցուցարարների դեմ, որոնք Աթենքում բողոքում էին սկանդալային «Մահմեդականների անմեղությունը» ֆիլմի դեմ: Մոտ 600 մահմեդականներ փորձել են երթ կազմակերպել դեպի ԱՄՆ դեսպանատուն:
Ոստիկանությունը շրջափակել է կենտրոնական փողոցները և փակել է ցուցարարների ճանապարհը: Ցուցարարները շշեր և այլ առարկաներ են նետել հատուկ նշանակության ուժերի վրա, իսկ ոստիկանները արցունքաբեր գազ են կիրառել: Անկարգությունների արդյունքում վնաս է հասցվել ավտոմեքենաներին և խանութների ցուցափեղկերին:
Հարյուր հազարավոր մահմեդականներ Մերձավոր Արևելքից, Աֆրիկայից ու Ասիայից, որոնք ապօրինի ներգաղթել են Հունաստան, շարունակում են մնալ երկրում, չունենալով ոչ աշխատանք, ոչ փաստաթուղթ: Աթենքի որոշ շրջաններ վերածվել են գետտոյի, հայտնում է ԻՏԱՐ-ՏԱՍՍ-ը: