Իրանի իշխանությունները տեղական օգտատերերի համար կարգելափակեն Google որոնողական համակարգի և Gmail փոստային ծառայության հասանելիությունը: Այս մասին հայտարարել է երկրի կառավարության ներկայացուցիչ Աբդուլամադ Հորամաբադին, հաղորդում է Reuters-ը:
Հղելով ISNA գործակալությանը` Reuters-ը գրում է, որ հնարավոր է ծառայությունների արգելափակումը կապված է «Մահմեդականների անմեղությունը» ֆիլմի հետ, որը մահմեդական աշխարհում բողոքի ալիքի պատճառ է դարձել:
Պաշտոնապես որոնողական համակարգի և փոստային ծառայության արգելափակման և ֆիլմի կապի մասին հայտարարությունները չեն հաստատվել:
Google ծառայությունների արգելափակումը համընկել է Իրանի ազգային ցանցի աշխատանքների նախնական փուլի հետ, հաղորդում է The Guardian-ը: