Գերմանիայի կանցլեր Անգելա Մերկելը հետաձգել է Թունիս կատարելիք այցը` կապված «Մահեմդականների անմեղությունը» ֆիլմի դեմ ելույթների հետ: Այս մասին հաղորդել է The Financial Times Deutschland-ը` հղելով անանուն աղբյուրներին: Այցը նշանակված էր հոկտեմբերի 9-ին:
Ամռանը Թունիսի վարչապետ Համադի Ջեբեյլին պաշտոնական այցով ժամանել էր Գերմանիա: Այդ ժամանակ Մերկելը խոստացել էր անձամբ այցելել Թունիս` երկրի ժողովրդավարցման գործընթացին մասնակցելու համար: Սակայն ելնելով անվտանգության նկատառումներից` երկու երկրները համաձայնել են հետաձգել Մերկելի այցը: Թե երբ կկայանա կանցլերի այցը Թունիս, չի հաղորդվում:
Մինչ այդ, սեպտեմբերի 26-ին Մերկելը կոչ է արել ավելի հանդուրժող լինել մահմեդականների նկատմամբ, ովքեր բնակվում են ԳՖՀ-ում: Նա, մասնավորապես հայտարարել է, որ իսլամը Գերմանիայի մի մասն է, գրում է Spiegel-ը:
Մերկելն ընդգծել է, որ չի կարելի շփոթել իսլամիստներին խաղաղ մահմեդականների հետ: