Սեպտեմբերի 27-ին Հայաստանի Հանրապետության սփյուռքի նախարար Հրանուշ Հակոբյանն ընդունել է Հայ օգնության միության կենտրոնական վարչության ատենապետուհի Վիկի Մարաշլյանին, ՀՕՄ –ի Հայաստանի շրջանային վարչության ատենապետուհի Նարինե Գալստյանին, կենտրոնական վարչության անդամներ Լիզա Ավագյանին ևԱլեսյա Բեջանյանին:
Հանդիպման ժամանակ քննարկվել են Հայաստանում ապաստանած սիրիահայերին հուզող խնդիրները: Նախարարը ներկաներին հավաստիացրել է, որ սիրիահայերին վերաբերող բոլոր խնդիրները` ՀՀ նախագահի հանձնարարությամբ, ՀՀ կառավարության բոլոր գերատեսչությունների ուշադրության կենտրոնում են, և որ ՀՀ սփյուռքի նախարարությունը տիրապետում է Սիրիայից ժամանած հայրենակիցներին վերաբերող ողջ տեղեկատվությանը և շարունակում է հանդես գալ նրանց կեցությունը Հայաստանում հնարավորինս դյուրացնող նախաձեռնություններով:
Հանդիպման ընթացքում ձեռք է բերվել համատեղ ծրագրերի իրականացման պայմանավորվածություն:
