ՄԵՆՔ» ազգային հայրենասիրական երիտասարդական շարժումը հայտարարություն է տարածել, արտեղ անըդունելի է համարում Վարդան Օսկանյանի Սիվիլիթաս» հիմնադրամի շուրջ վերջերս ծավալված իրադարձությունները: Հայտարարության մեջ, մասնավորապես, ասվում է. «ՄԵՆՔ» ազգային հայրենասիրական երիտասարդական շարժումը իր բողոքի խոսքն է արտահայտում ԱԺ պատգամավոր Վարդան Օսկանյանի անձի և «Սիվիլիթաս» հիմնադրամի շուրջ վերջերս ծավալված իրադարձությունների վերաբերյալ:
«Մենք դեմ ենք ԱԺ պատգամավոր Վարդան Օսկանյանին անձեռնամխելիությունից զրկելու իշխանական ուժերի կտրուկ քայլերին, քանի որ նման տեսակ հարցի լուծումը կասկածի տակ է դնում մեր երիատասարդ սերնդի բարեկեցիկ ապագան: Ի՞նչ անելիք ունենք մենք այնպիսի երկրում, որտեղ անձեռնամխելիությունից են փորձում զրկել այնպիսի մարդու, ով ստացել է բարձր մակարդակի կրթություն արտասահմանում ՝ արևմուտքում և երկար տարիներ եղել է Հայաստանի Հանրապետության արտաքին գործերի նախարար»:
