Սերժ Սարգսյանն ընդունել է Գերմանիայի Բունդեսթագի փոխնախագահ Վոլֆգանգ Թիրզեին 2 հոկտեմբերի 2012 - 11:23 AMT PanARMENIAN.Net - Նախագահ Սերժ Սարգսյանն այսօր ընդունել է Գերմանիայի Դաշնային Հանրապետության Բունդեսթագի փոխնախագահ Վոլֆգանգ Թիրզեին: Ինչպես հայտնում է նախագահի մամլո ծառայությունը, Սերժ Սարգսյանն ընդգծել է, որ Հայաստանը մեծապես կարևորում է հայ-գերմանական բարեկամական հարաբերությունները և արդյունավետ համագործակցության շարունակական զարգացումը: Հանրապետության ղեկավարի համոզմամբ, բարձրաստիճան փոխայցելությունները և դրանց ընթացքում տարբեր ոլորտներում փոխգործակցության հնարավորությունների քննարկումն զգալիորեն նպաստում են երկկողմ կապերի առավել ամրապնդմանը, դրական ազդակներ հաղորդելով և՛ քաղաքական գործիչներին, և՛ գործարար աշխարհին, և՛ երկու երկրների ժողովուրդներին, ընդհանրապես: Սերժ Սարգսյանը հույս է հայտնել, որ Բունդեսթագի փոխնախագահ Վոլֆգանգ Թիրզեի այցը ևս խթան կհանդիսանա հայ-գերմանական հարաբերությունների զարգացման և հատկապես միջխորհրդարանական համագործակցության խորացման գործում: Վոլֆգանգ Թիրզեն գոհունակությամբ է խոսել երկու երկրների միջև դիվանագիտական հարաբերությունների հաստատումից ի վեր՝ անցած 20 տարիներին հայ-գերմանական քաղաքական երկխոսության և փոխգործակցության մասին՝ ընդգծելով, որ ԳԴՀ Բունդեսթագի և ՀՀ ԱԺ-ի միջև անհրաժեշտ է ավելի ակտիվացնել շփումները: Բունդեսթագի փոխնախագահի խոսքով, դա թույլ կտա, որպեսզի գերմանացի պատգամավորների մոտ Հայաստանի և տարածաշրջանի խնդիրների մասին ճիշտ պատկերացումներ ձևավորվեն: Հանդիպմանը զրուցակիցները քննարկել են նաև տարածաշրջանային խնդիրներին և մարտահրավերներին վերաբերող հարցեր: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Հունգարիայի ԱԳ նախարար. Պատրաստվում ենք ՀՀ և ԵՄ-ի միջև վիզաների ազատականացման երկխոսությունը սկսել Հուլիսի 1-ից Հունգարիան է ստանձնում ԵՄ նախագահությունը ՀՀ նախագահն ԱՄՆ է մեկնում Նա աշխատանքային այցով կլինի Կալիֆորնիայում |