ՖԻԼԻՊ ԿԻՐԿՈՐՈՎԸ ՀԱՅԱՍՏԱՆՈՒՄ ԿՓՈՐՁԻ ՀԱՐԹԵԼ ԿԱՏԱՐԱԾ ՍԽԱԼՆԵՐԸ

PanARMENIAN.Net - Թուրքական երգերի կատարման իր նախագիծը ռուսաստանյան երգիչ Ֆիլիպ Կիրկորովն անմտածված եւ շտապողական որոշում է անվանել: Նման համոզմունք է այսօր մամուլի ասուլիսում հայտնել Երեւանում Կիրկորովի համերգի նախաձեռնող «Մանուկյան» ՓԲԸ-ի մամուլի քարտուղար Թեհմինե Հայրումյանը: Ինչ վերաբերում է նրա գործունեության առնչությամբ երիտասարդական եւ այլ կազմակերպությունների դժգոհությանը, որը թուրքամետ ուղղվածություն ունի, ապա Թ.Հայրումյանը հիշեցրել է, որ այդ երգերն ունեն չորսամյա պատմություն եւ դրանով շահարկելը մի քիչ ուշ է: Անդրադառնալով հայ լրագրողուհու հետ միջադեպին, նա կրկին հիշեցրել է ժամկետների մասին եւ նշել, որ դա կատարվել է մեկ տարի առաջ եւ Կիրիկորովը հրապարակայնորեն ներողություն է խնդրել աղջկանից: Ընդսմին, Թ.Հայրումյանը տեղեկացրել է, որ Ֆիլիպ Կիրկորովը եւ նրա հայր Բեդրոս Կիրկորովը, որը Երեւան կժամանի որդու հետ, մտադիր են Երեւանում այցելել Ծիծեռնակաբերդի Հայոց ցեղասպանության հուշահամալիր եւ Ցեղասպանության թանգարան: Նրա խոսքերով` նման մտադրություն է հայտնել ինչպես երգիչն ինքը, այնպես էլ հրավիրող ընկերությունը: Բացի այդ, Բեդրոս Կիրկորովը խոստացել է անակնկալ մատուցել հայ հանդիսատեսին եւ կատարել սիրված հայկական երգեր:
 Ուշագրավ
Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
---